IN MEMORIAM

Antonio Mirandaren poema

Danilo Loborentzat

Traducción al euskera por

JUAN KRUZ IGERABIDE

Hilik joango naiz

haizearen indarrak

nahi duen lekutik

pentsamendurik ez da-eta izango.

Hauts edo joan doan

hodei gisa

inongo jomugarik gabe.

Erabat aske azkenik

hersturarik gabe

eta pozarren.

Pozarren, munduaren

sentipenik gabe, isiltasun

sakonean.

Pozarren, barruko

errua eta sufrikarioa

garbiturik.

Joanik, besterik gabe

neure kabuz

ez noalako.

Zer dauka zain

bestaldean

fedegabeak?

Ente iraungo dut

ala betiko

galduko naiz?

Hildakoekin alderrai

itzuleraren zain egongo ote naiz

zigor gisa?

Hilobian bildurik

bakea nahi izaten da

ala berdin dio?